Lleche con migayes
LA VOZ DE LENA

Lleche con migayes

JOSEFA LA DE CELESTA

Josefa la de Celesta | 26 sep 2021

Toi convencía completamente de que como lo antiguo nun hay ná. Tanta modernidá y tantu cuintu, pero depués resulta que lo que val ye lo que se fezo va timpu. Dígovos esto porque lutru día anduve con Clotilde la de los averaos perende abaxo y metímonos nuna tiendona de eses que tienen de to nes estanteries. Igual topes unos calcetos de llana gordo como una muda, fardelas con compreses, un bote de detergente pa la llavaora o un frascu perfume que cuesta un reñón. Tieneslo achí, a la mano, apegao uno a lo otro. El casu ye que garremos un querru y hale, como les demás: que si fisga piriquí, que se mira a qué preciu tan los pimientos morrones, que si vaya color más güepu que tien isi televisor y lo descomunal que ye... Nestes chegamos a un sitiu nel que ponía un cartel per riba que dicía: “Desayuno y Bollería”. Na vida pensé que hubiera una cantidá tan grande de coses pa char al café: bizcochones de mil maneres, galletes de una barbaridá de clases (les que nun ví per nenguna parte foi les “María”), sobaos, pastes, hojaldres... La de su madre.

Cárnicas Campomanes

Pero lo que más me chamó la atención fueron unos paquetones, con un nombre muy reru, que nun malcuerdo agora cómo yera, que trayían dientro cereales, según ponía pa una vera de la caxa. Clotilde dicíame que taben muy de moda ente la xuventú y que se comíen ablandaos en lleche. Lo que vos cuntaba al comienzu destes lletres: como lo antiguo nun hay ná. ¿Si quiés cereal buinu nun será más apropiao, y muncho más barato, facer migayes con el pan que sobró del día antes? Nun sé, digo yo. Será mexor eso que no tener que tiralo a les pites. Como diz el mio Pepe, y neso tién una razón como un sentu, luego quexámonos de que hay crisis.

Jurislena correo

Si empezamos gastando más perres de la cuenta ya pa almorzar, na comida del mediudía nun quiero ni pensalo. Además, qué rediós, lo sano, sano ye y no esos potingues, que a saber de qué químiques taran fechos. Ansina ye, que los guajes salen tos esmirriaos, que paecen la radiografía de un esquil. Onde te un platéu picadillo bien corrompinéu con un cazéu patates frites y un par de güevinos percima que se quite la comía de cualquier restaurán de postín. Ye verdá. Nun hay más que ver al mi home, que ye más viyu que los andares coxos de Sensa la del saleru distrayíu y ta aende más tisu que una vela. Eso ye un paisanu y lo demás refugaya (ente les sábanes nun pienso davos detalles, que nun tengo gana tenelu de morros). Siempre foi tan buinu conmigo… Salú pa tos, que después de to ye lo que val.

La Bisagra

Temas relacionados:

josefa la de celesta

Opiniones de este contenido

Esta web se reserva el derecho de suprimir, por cualquier razón y sin previo aviso, cualquier contenido generado en los espacios de participación en caso de que los mensajes incluyan insultos, mensajes racistas, sexistas... Tampoco se permitirán los ataques personales ni los comentarios que insistan en boicotear la labor informativa de la web, ni todos aquellos mensajes no relacionados con la noticia que se esté comentando. De no respetarse estas mínimas normas de participación este medio se verá obligado a prescindir de este foro, lamentándolo sinceramente por todos cuantos intervienen y hacen en todo momento un uso absolutamente cívico y respetuoso de la libertad de expresión.




 No hay opiniones. Sé el primero en escribir.


Tu opinión

Muebles Pico
Relojería Miguel
DANYLU
OPINIÓN Pese a quien pese

 0
  
 29744

CULTURA Y TURISMO Timbal de bacalao

 0
  
 27939

MUNICIPIO EN BREVE

 0
  
 24546

CULTURA Y TURISMO FUE NOTICIA EN LENA... HACE 10 AÑOS

 0
  
 12629

Autores

Avelino Llera

Este autor tiene 1 artículos publicados.

Josefa la de Celesta

Este autor tiene 1 artículos publicados.

Meyos Vázquez Gandoy

Este autor tiene 1 artículos publicados.

Jurislena Abogados

Este autor tiene 1 artículos publicados.

Cartas al Director

Este autor tiene 1 artículos publicados.

Ramón de Cangas

Este autor tiene 1 artículos publicados.

José Fernández

Este autor tiene 1 artículos publicados.