Nun val ná
LA VOZ DE LENA

Nun val ná

JOSEFA LA DE CELESTA

JOSEFA LA DE CELESTA | 26 sep 2021

La verdá ye que nun sé pa qué se trabayen les güertes y se atienden les vaques, porque valir nun val ná. Baxes perende abaxo y un sacu patates cuesta cuatro perres, les berces lo mesmo, la xente que anda na ganadería ta protestando ca dos per tres de que nun yos paguen un rial per echo… To ansina. Hasta el día que mos dé a tos los que vivimos nos chugares per trancar la puerta dafechu y dicir que esto acabose, que ya tuvo bien de reyise de nosotros al focicu. Yo nun sé de onde lo trayen agora, pero póneste a vender un kilo fabes o de frejoles pelo que crees que ye realmente y tómante pel pitu el serenu; paez que tas mal del tanque. No home no, tién más cuenta dexalo to pa preu. Como diz el mio Pepe, y neso tién una razón como un sentu, si al que lo produz nun se i echa un gabitu y acaben chevándolo los que fayen de intermediarios, como ta pasando agora, esto nun tién futuru nengún.

Casa María

Nun hay más que velo: los mozos colen pa les ciudaes namás que se yos presenta la menor oportunidá y la hacienda de los güelos y los padres va quedando poco a poco pa monte. Abandonao per completo. Piriquí aguantamos cuatro vieyos como podemos. Quitando a Chusín el maravayu, que aposentó en casa, el restu de los de la so quinta apaecen algún que utru fin de semana y gracies. Pachu el de los magüetos ta de mecánicu pa la parte Sama, Canor el atolondréu, de vixilante nunos almacenes en Uviéu, Berto el caserín emigró pal extranxeru… Fáyenme muncha gracia esa camá de politicones pregonando pela tele que hay que apurrir ayudes al campu y a les families que quieran tar nél. Sí oh. To cuintu. Una patá en culu ye lo que cheven, los probes, si precisen algo.

Aydo Sociedad Cooperativa

Otra temporá dioyos per lo del turismu, que paecía que mos diben facer ricos como marajás a tos cola xente que chegaría de nun sé cuántos sitios. ¿Haulos? Cuatro cuntaos y coles perres xustes. Toy con Hortensia la avispá en que si nun tomen medíes pa que esto prospere, a la vuelta dunos años nun vas topar nadie. Colo guapo que ye chevantase pela mañana oyendo a los gachones cantar, tragar aire puru, ensin maleza nenguna, y comer sano y fresco. Eso nun hay capital que lo pague. Ná, la modernidá traxo coses buenes, nun lo descuto, pero notres tiramos patrás como los cangrexos. Qué quiés, fía. Buenes Navidaes y salú pa tos, que depués de to ye lo que val. 

Temas relacionados:

josefa la de celesta

Opiniones de este contenido

Esta web se reserva el derecho de suprimir, por cualquier razón y sin previo aviso, cualquier contenido generado en los espacios de participación en caso de que los mensajes incluyan insultos, mensajes racistas, sexistas... Tampoco se permitirán los ataques personales ni los comentarios que insistan en boicotear la labor informativa de la web, ni todos aquellos mensajes no relacionados con la noticia que se esté comentando. De no respetarse estas mínimas normas de participación este medio se verá obligado a prescindir de este foro, lamentándolo sinceramente por todos cuantos intervienen y hacen en todo momento un uso absolutamente cívico y respetuoso de la libertad de expresión.




 No hay opiniones. Sé el primero en escribir.


Tu opinión

Muebles Pico
Danylu
CULTURA L.LENA