Achoriá
LA VOZ DE LENA

Achoriá

JOSEFA LA DE CELESTA

Josefa la de Celesta | 26 sep 2021

Ay madre, ay madre del alma quería. Toy pal arrastre completamente. Nun puxo pelos zaragüelos. La culpa foi entera y verdadera de Berta la morguitona, que apaezú al mediudía de achir pela antoxana de mio casa con un garrafonucu con anís de guindes que había fecho siguiendo una receta que i dio la so prima Restituta la de los mazaos. Metila un retu a enfriar na fresquera y antes de que colara dixei que tiníamos que probalo con unos suspiros de manteca que tinía enriba la mesa la cocina, tapaos con un rodillu, acabante de sacar del fornu. El casu ye que sentémonos nel bencu tranquilamente a charrar dunes y dotres, traguín va, traguín bien, pa remoyar el dulce (ventilamos docena y pico), y cuando mos punsimos a chevantamos nun dábamos pie con bola. Porque me garré del so brezu que sino paezme que nun soy capaz de enfilar la puerta pa entrar pa dientro. Cagón los demonios, nunca había visto la caleya pegar tantes vueltes en reondo. Echa coló como pudo, de vera a vera, col vestíu arrebluyéu y ciega risa. Nun sé en qué pararía la cosa cuando Doro el afuméu, que ye un botaratón pistonudu, la vú chegar daqueches traces.

Aydo Sociedad Cooperativa

Como siempre diz el mio Pepe, y neso tién una razón como un sentu, coles bebides que dexen buen paladar hay que tener munchu cuidiao, que en menos que canta un gachón tírense a la moyera. A mi me lo va a cuntar. A bones hores mangues verdes. Depués de tar media nuiche arrestribá na taza el váter, per riba y per baxo, tengo miéu que nun me quede ni una migaya nes tripes. Vaya purgamintu. Oh Virxen. Nun pienso tomar ni otra gota disi potingue anque me fusilen. Quiá, quita pallá. Una y namás Santo Tomás.

Casa María

Nun mexplico cómo Hortensia la afilá podía ventilar tos los díes casi una botella de “La Asturiana” entera. El primer tragu ya lu pegaba al chevantase. Dicía que i vinía de maravilla pa calmar el nerviosismu y un tembleque que se i había presentao nes manos. Vaya melicina más morrocotuda. Tamos guapos. Ansina foi que cuando la espichó taba consumía en vida. Yera to güisu. Utru que i daba al morapio ensin sentíu yera Dionisio el candorusu, que se cepillaba tres o cuatro llitros de vino toro a diariu. Tamién arrancó pal utru barriu bien temprano, el probe (porque otra manera yera una bellísima persona). A mi, visto lo visto, nun se me ocurre, no. Oj, qué revoltura, por Dios. Salú pa tos, que depués de to ye lo que val.

Temas relacionados:

josefa la de celesta

Opiniones de este contenido

Esta web se reserva el derecho de suprimir, por cualquier razón y sin previo aviso, cualquier contenido generado en los espacios de participación en caso de que los mensajes incluyan insultos, mensajes racistas, sexistas... Tampoco se permitirán los ataques personales ni los comentarios que insistan en boicotear la labor informativa de la web, ni todos aquellos mensajes no relacionados con la noticia que se esté comentando. De no respetarse estas mínimas normas de participación este medio se verá obligado a prescindir de este foro, lamentándolo sinceramente por todos cuantos intervienen y hacen en todo momento un uso absolutamente cívico y respetuoso de la libertad de expresión.




 No hay opiniones. Sé el primero en escribir.


Tu opinión

Muebles Pico
Danylu
CULTURA L.LENA

Autores

Avelino Llera

Este autor tiene 1 artículos publicados.
+ info

Josefa la de Celesta

Este autor tiene 1 artículos publicados.
+ info

Meyos Vázquez Gandoy

Este autor tiene 1 artículos publicados.
+ info

Jurislena Abogados

Este autor tiene 1 artículos publicados.
+ info

Cartas al Director

Este autor tiene 1 artículos publicados.
+ info

Ramón de Cangas

Este autor tiene 1 artículos publicados.
+ info